Andininy Protestanta Malagasy 7 Ary hoy Jehovah tamin'i Mosesy: Mandehana midina hianao; fa efa nanao ratsy ny olonao izay nentinao niakatra avy tany amin'ny tany Egypta. qt8gt0bxhw|0000001747DC|Baiboly|Bible|text|1603F8E7-80A3-4EF7-8FD5-8577766BFD28 8 Nalaky nivily niala tamin'ny lalàna izay nasaiko nalehany izy ka efa nanao ombilahy kely anidina ho azy; ary efa niankohoka teo anatrehany sy namono zavatra hatao fanatitra taminy izy ka nanao hoe: Io no andriamanitrao, ry Isiraely, izay nitondra anao niakatra avy tany amin'ny tany Egypta. qt8gt0bxhw|0000001747DC|Baiboly|Bible|text|0BEE8CEE-F358-463B-8176-8ACC14CE7ED2 9 Ary hoy Jehovah tamin'i Mosesy: Efa hitako io firenena io, fa, indro, firenena mafy hatoka izy. qt8gt0bxhw|0000001747DC|Baiboly|Bible|text|2378E1C6-A61B-4517-8C15-B2C73792563C 10 Koa ankehitriny avelao hirehitra aminy ny fahatezerako, ka haringako izy; fa hahatonga anao ho firenena lehibe Aho. qt8gt0bxhw|0000001747DC|Baiboly|Bible|text|1D3B28F9-2A5F-40C6-8021-4DABF72D6066 11 Fa Mosesy nifona tamin'i Jehovah Andriamaniny ka nanao hoe: Jehovah ô, nahoana ny fahatezeranao no mirehitra amin'ny olonao, izay nentinao nivoaka avy tany amin'ny tany Egypta tamin'ny hery lehibe sy ny tànana mahery? qt8gt0bxhw|0000001747DC|Baiboly|Bible|text|CE49DFAF-089A-493C-B2D4-69FD0DD8D440 12 Nahoana ny Egyptiana no avela hilaza hoe: Mba hahita loza no nitondrany ireny nivoaka, hamonoany azy eny an-tendrombohitra sy handringanany azy tsy ho ambonin'ny tany? Mialà amin'ny fahatezeranao mirehitra, ka manenena ny amin'ny loza izay hanjo ny olonao. qt8gt0bxhw|0000001747DC|Baiboly|Bible|text|2850B84B-7F88-4791-AE0C-04E002A614C1 13 Tsarovy Abrahama sy Isaka ary Isiraely mpanomponao, izay nianiananao tamin'ny tenanao sy nilazanao hoe: Hahamaro ny taranakareo Aho ho tahaka ny kintana eny amin'ny lanitra; ary izany tany rehetra nolazaiko izany dia homeko ny taranakareo, ary izy handova izany mandrakizay. qt8gt0bxhw|0000001747DC|Baiboly|Bible|text|C3FD69A9-9AC1-47A8-A738-CE80BC4EB46C 14 Ary Jehovah dia nanenina ny amin'ny loza izay nokasainy hamelezana ny olony. qt8gt0bxhw|0000001747DC|Baiboly|Bible|text|EC7087BC-B74B-4E85-97A6-8B9C4511655B
|