Baiboly Malagasy

Joba 26: 1-14

Andininy

Protestanta Malagasy

DIA namaly Joba ka nanao hoe:

Endrey! nanohana ny tsy manan-kery hianao Sy nampahatanjaka ny sandry malemy!

Ary nanolo-tsaina ny tsy hendry Sy nampahafantatra izay fahendreny betsaka!

Izy no nandaharanao teny? Ary fanahin'iza no nivoaka avy tao aminao?

Ny matoatoa dia ampanaintainina Any ambanin'ny rano sy any ambanin'ny mponina any.

Ny fiainan-tsi-hita [Heb. Sheola] miharihary eo anatrehany, Ary ny fandringanana dia tsy mirakotra.

Mamelatra ny lanitra avaratra ho eny ambonin'ny habakabaka Izy Ary manantona ny tany amin'ny tsy misy.

Fonosiny amin'ireo rahony matevina ny rano, Nefa ny fanambanin'ny rahony tsy mety triatra.

Manakona ny seza fiandrianany tsy ho hitantsika Izy Amin'ny amelarany ny rahony hanarona azy.

Asiany faritra manodidina eny ambonin'ny rano. Hatramin'izay ihaonan'ny mazava sy ny maizina.

Ny andrin'ny lanitra nihozongozona Sady ankona amin'ny teny mafy ataony.

Ny heriny no entiny mampanonja ny ranomasina, Ary ny fahendreny no anorotoroany an-dRahaba ; [Izahao ix. 13.]

Ny fanahiny no mahatsara tarehy ny lanitra; Ny tànany no nitomboka ny menarana mandositra.

Indro, ireny dia vao ny sisintsisin'ny alehany ihany aza, Ary siosion-teny mamelovelo no andrenesantsika Azy; Fa raha ny fikotrokotroky ny heriny, iza moa no mahatakatra izany?

Joba 25 Joba 26 Joba 27

Fitadiavana andininy

Boky Toko Andininy Andininy farany

Louis Segond	Grika TV WH - UBS4
Basic English Bible	Hebreo TT WLC

Fitadiavana teny

Mampidira teny Litera 2 h@ 50 @ alfabeta

Asehoy koa ny ndininy amin'ny dikanteny hafa