Azonao atao ny mifampizara, mametraka fanontaniana, mifanakalo hevitra na koa mifanerasera an-tsoratra amin'ny hafa izay liana ny amin'ny Baiboly sy ny finoana kristiana amin'ny alàlan'ity vondrona ity. Mila misoratra anarana ianao raha te-handefa hafatra na hijery ireo resaka ifanaovana. Indro atolotra anao ato ambany izay inoanay mpikarakara ity tranokala sy Vondrona ity. Tsy voatery hino ireo rehetra ireo akory ianao vao afaka mandray anjara amin'ny resaka. Napetrakay eto ireo mba hahalalanao mialoha ny momba anay sy izay mety ho fampianarana na fanazavana ny Tenin'Andriamanitra avy aminay. Afaka mandray anjara amin'ny resaka ifanaovana noho izany ny rehetra. Misy kosa ny fefy izay tsy azo ihoarana mba tsy hampikorontana ny fizotry ny resaka ary mba tsy hampivoana ny anton'ity Vondrona ity amin'ireo zava-boalaza ireo.
Niniana tsy napetraka ny andininy mba tsy hahalava azy

1. Soratra Masina na Tenin'Andriamanitra ny Baiboly(boky 66). Tsy misy diso ny Soratra Masina tany am-potony ary hany fahefana amin'ny finoana sy ny fiainana kristiana.
2. Andriamanitra telo izay Iray.
3. Sady tena Andriamanitra no olona Jesoa Kristy.
4. Noharian'Andriamanitra ny olombelona. Lasa mpanota ary tafasaraka tamin'Andriamanitra izy noho ny tsy finoana sy tsy fankatoavana an'Andriamanitra. Tsy mahavonjy tena izy.
5. Maty teo amin'ny hazo fijaliana hisolo ny mpanota Kristy ary nitsangana tamin'ny maty.
6. Hamarinina noho ny fahasoavana amin'ny alalan'ny finoana irery ihany ny olona.
7. Hiverina hita maso, ara-batana indray Jesoa Kristy.
8. Ny fiarahan'ny mino amim-pifaliana sy fiadanana mandrakizay miaraka amin'Andriamanitra ary ny fijaliana mandrakizay ho an'izay tsy nino ny famonjen'i Kristy.