Andininy Protestanta Malagasy 1 Ary nisy lehilahy Efraimita anankiray tany Ramataima-zofima any amin'ny tany havoan'i Efraima, Elkana no anarany zanak'i Jerohama, zanak'i Eliho, zanak'i Toho, zanak'i Zofa. qt8gt0bxhw|0000001747DC|Baiboly|Bible|text|C3123EC2-9633-4ED6-9877-3F75554B9586 2 Ary namporafy izy, Hana no anaran'ny vadiny anankiray, ary Penina no anaran'ny anankiray; ary Penina nanan-janaka, fa Hana kosa tsy mba nanana. qt8gt0bxhw|0000001747DC|Baiboly|Bible|text|99DE878C-DB4D-4AC3-BFED-61F1C2E9EE36 3 Ary ralehilahy niakatra isan-taona niala tamin'ny tanànany hivavaka sy hamono zavatra hatao fanatitra ho an'i Jehovah, Tompon'ny maro, tao Silo. Ary tao izy mirahalahy, zanak'i Ely, dia Hofinia sy Finehasa, mpisoron'i Jehovah. qt8gt0bxhw|0000001747DC|Baiboly|Bible|text|73E26746-65FE-4E5D-BD2B-BBB0B0F85ACB 4 Ary tamin'ny andro namonoan'i Elkana zavatra hatao fanatitra dia samy nomeny anjara iray avy Penina vadiny sy ny zananilahy ary ny zananivavy rehetra. qt8gt0bxhw|0000001747DC|Baiboly|Bible|text|E9440B87-ECDE-4A1B-AA9D-201C3BF94560 5 Fa Hana kosa nomeny anjaran-droa, satria izy no tiany, nefa nataon'i Jehovah momba. qt8gt0bxhw|0000001747DC|Baiboly|Bible|text|6CB54C1D-D8D9-4DF0-AACC-6C3C9B7F4227 6 Ary ny rafiny dia nanorisory azy mba hampalahelo azy mafy noho ny nanaovan'i Jehovah azy momba. qt8gt0bxhw|0000001747DC|Baiboly|Bible|text|D754292B-A6ED-4BA4-9391-C40C83A1AD9E 7 Ary izany no fanaon'i Elkana isan-taona, raha niakatra ho any an-tranon'i Jehovah Hana, ary izany koa no nanorisoren'ny rafiny azy, koa nitomany izy sady tsy nety nihinan-kanina. qt8gt0bxhw|0000001747DC|Baiboly|Bible|text|C913639A-8237-4A88-BA93-B261ECE6A8E5 8 Fa Elkana vadiny nanao taminy hoe: Ry Hana, nahoana no mitomany ianao? ary nahoana no tsy mety mihinan-kanina ianao? ary nahoana no malahelo fo ianao? Tsy tsara lavitra aminao mihoatra noho ny zanaka folo mirahalahy va aho? qt8gt0bxhw|0000001747DC|Baiboly|Bible|text|EF611153-4B5C-494C-92EC-A094F0230326
|