Andininy Protestanta Malagasy 1 Dia nitsangana Davida ka lasa; fa Jonatana kosa nankany an-tanàna. qt8gt0bxhw|0000001747DC|Baiboly|Bible|text|7332F082-1695-46FA-8812-6BA67A6246A4 2 Ary Davida tonga tany Noba, tany amin'i Ahimeleka mpisorona; ary toran-kovitra Ahimeleka, raha nihaona tamin'i Davida, ka nanao taminy hoe: Nahoana no mandeha irery ianao, fa tsy misy manaraka anao? qt8gt0bxhw|0000001747DC|Baiboly|Bible|text|52C7160A-DF71-4912-AEB8-A1161A976A00 3 Dia hoy Davida tamin'i Ahimeleka mpisorona: Ny mpanjaka efa nanome raharaha ahy, ka hoy izy tamiko: Aoka tsy ho fantatr'olona ny raharaha nanirahako sy nandidiako anao; ka dia nasaiko nankary ny zatovoko. qt8gt0bxhw|0000001747DC|Baiboly|Bible|text|7A5A248B-1509-4535-9519-460B3A8FA957 4 Koa inona no misy ato aminao? Omeo mofo dimy aho ho ety an-tanako, na izay misy. qt8gt0bxhw|0000001747DC|Baiboly|Bible|text|E497303F-6F58-46CB-841A-1665D7634A65 5 Ary ny mpisorona namaly an'i Davida hoe: Tsy misy mofo fihinana ato amiko, fa mofo masina ihany no ato, ka raha mba nifady vehivavy ahay mantsy ny zatovo. qt8gt0bxhw|0000001747DC|Baiboly|Bible|text|DC54B02D-32FC-4977-B976-031B83E6146B 6 Ary Davida namaly ny mpisorona ka nanao taminy hoe: Eny, fa hatramin'ny hateloana efa tsy niara-nitoetra tamim-behivavy rahateo izahay; ary tamin'izaho niainga dia masina ny fanaky ny zatovo; ary na dia tsy masina aza ny lalana, dia hohamasinina anio izy noho ny fanaka. qt8gt0bxhw|0000001747DC|Baiboly|Bible|text|455E957D-8F02-4B1E-B80D-E4B9771437F9 7 Ary ny mpisorona nanome azy mofo masina; fa tsy nisy mofo teo, afa-tsy ny mofo aseho, izay nalainy teo anatrehan'i Jehovah, mba hasiana mofo mafana tamin'ny andro nanesorana azy. qt8gt0bxhw|0000001747DC|Baiboly|Bible|text|3E804765-74C9-4787-85CB-8AD27C55B5D2 8 (Nefa nisy anankiray tamin'ny mpanompon'i Saoly teo tamin'izany andro izany, voahazona teo anatrehan'i Jehovah, Doega Edomita no anarany; lehiben'ny mpiandrin'i Saoly izy.) qt8gt0bxhw|0000001747DC|Baiboly|Bible|text|4872AAE2-75AB-40A7-A957-A0C631DE3D81 9 Ary hoy Davida tamin'i Ahimeleka: Tsy misy lefona na sabatra va eto aminao? fa izaho tsy nitondra ny sabatro na ny fiadiako ety amiko, satria nahamaika ny raharahan'ny mpanjaka. qt8gt0bxhw|0000001747DC|Baiboly|Bible|text|D6C7A51D-0663-40CB-BE5F-3A3366B1D70F 10 Fa hoy ny mpisorona: Ny sabatr'i Goliata Filistina, ilay novonoinao tao amin'ny lohasaha Elaha, indro, fa mifono lamba ao ivohon'ny efoda izy; ka raha iny no ho entinao, dia ento; fa tsy misy afa-tsy iny eto. Ary hoy Davida: Tsy misy tahaka iny, fa omeo ahy. qt8gt0bxhw|0000001747DC|Baiboly|Bible|text|EE67A04C-6764-4057-AF88-310A02BE43A6 11 Ary Davida niainga nandositra tamin'izany andro izany mba tsy ho azon'i Saoly, dia nankany amin'i Akisy, mpanjakan'i Gata. qt8gt0bxhw|0000001747DC|Baiboly|Bible|text|0B8278AB-E3AD-4555-B73F-3C6C3938F356 12 Ary hoy ny mpanompon'i Akisy taminy: Tsy ity moa no Davida, mpanjakan'ny tany? Tsy izy va no nandihizany sy nifampihirany hoe: Saoly nahafaty arivoarivo, Fa Davida nahafaty alinalina? qt8gt0bxhw|0000001747DC|Baiboly|Bible|text|5F0684AF-3907-4645-A814-A9DD2FB0FCE4 13 Ary dia nalatsak'i Davida tao am-pony izany teny izany, ka natahotra an'i Akisy, mpanjakan'i Gata, indrindra izy. qt8gt0bxhw|0000001747DC|Baiboly|Bible|text|97B0978C-A07B-4962-AAE4-23FCB169C504 14 Dia nody adala teo anatrehany izy ka nanao tahaka ny olona very saina teo aminy, fa nanoratsoratra teo amin'ny lela-vavahady izy, sady navelany hitsororoka tamin'ny somony ny iviny. qt8gt0bxhw|0000001747DC|Baiboly|Bible|text|D261741F-6C9B-4675-BF53-664E990B1019 15 Ary hoy Akisy tamin'ny mpanompony: He! hitanareo fa very saina io lehilahy io, ka nahoana no nentinareo ety amiko izy? qt8gt0bxhw|0000001747DC|Baiboly|Bible|text|9B607463-6A9F-431C-BC03-8702A6BAEE3F 16 Izaho moa mitady olona very saina, no nitondranareo ity olona very saina ity mba hanondrana eto anatrehako? Moa hiditra ato an-tranoko va ilehio? qt8gt0bxhw|0000001747DC|Baiboly|Bible|text|328F4E3C-976C-445B-B2FE-CB45A51E7019
|