Andininy Protestanta Malagasy 1 Ary Davida nandamina ny olona izay nomba azy ka nanendry mpifehy arivo sy mpifehy zato hifehy azy. qt8gt0bxhw|0000001747DC|Baiboly|Bible|text|265B4A34-FC13-481B-A5DD-BDD426FF33EE 2 Ary Davida nampandeha ny olona, ka ny ampahatelony nofehezin'i Joaba, ary ny ampahatelony nofehezin'i Abisay, zanak'i Zeroia, rahalahin'i Joaba, ary ny ampahatelony kosa nofehezin'Itahy Gatita. Ary hoy ny mpanjaka tamin'ny vahoaka: Izaho koa dia handeha hiaraka aminareo tokoa. qt8gt0bxhw|0000001747DC|Baiboly|Bible|text|FCDA9D5F-D8AD-4E30-90BF-67D68988F807 3 Fa hoy ny vahoaka: Tsy avelanay andeha ianao; fa raha mandositra izahay, dia tsy hahoany; ary na matiny sasaka aza izahay, dia tsy hahoany akory; fa ianao no hoatra ny iray alina aminay; koa tsara raha hamonjy anay avy tao an-tanàna ianao. qt8gt0bxhw|0000001747DC|Baiboly|Bible|text|DCE1107F-05C8-418B-9F25-CEE88EB80163 4 Ary hoy ny mpanjaka taminy: Izay sitrakareo ary no hataoko. Dia nitsangana teo anilan'ny vavahady ny mpanjaka, ary ny vahoaka rehetra nivoaka isan-jato sy isan'arivo. qt8gt0bxhw|0000001747DC|Baiboly|Bible|text|DC5A1201-087D-47C9-BF56-DE2C17551714 5 Ary ny mpanjaka nandidy an'i Joaba sy Abisay ary Itahy hoe: Noho ny amiko dia mamindrà fo amin'i Absaloma zatovo. Ary ny olona rehetra dia nahare ny nandidian'ny mpanjaka ny mpifehy rehetra ny amin'i Absaloma. qt8gt0bxhw|0000001747DC|Baiboly|Bible|text|E8AF5D1E-B37E-42D0-AB9C-999A15761404 6 Ka dia nivoaka teny an-tsaha ny vahoaka hiady amin'ny Isiraely, ka rafitra tao amin'ny alan'i Efraima ny ady; qt8gt0bxhw|0000001747DC|Baiboly|Bible|text|6DEB42A0-B6D2-4D75-96BD-0DA73DF61484 7 ary resy tao ny lehilahy amin'ny Isiraely teo anoloan'ny mpanompon'i Davida, ka be dia be no ringana androtrizay, dia olona roa alina. qt8gt0bxhw|0000001747DC|Baiboly|Bible|text|84CF1400-7858-4594-BE2B-ABA435064D0C 8 Fa nihahakahaka teny rehetra teny ny ady; ka ny matin'ny ala androtrizay dia be noho ny matin'ny sabatra. qt8gt0bxhw|0000001747DC|Baiboly|Bible|text|86D28143-5611-45FA-A6F6-ECBEB45D206C 9 Ary Absaloma nifanehatra tamin'ny mpanompon'i Davida. Ary nitaingina ampondra izy, ary ny ampondra nandeha teo ambanin'ny rantsan-kazo mikirindro tamin'ny hazo terebinta, ka voahazon'ny hazo terebinta ny lohan'i Absaloma, ka dia nikiraviravy teo anelanelan'ny lanitra sy ny tany izy; fa lasa ny ampondra nitaingenany. qt8gt0bxhw|0000001747DC|Baiboly|Bible|text|C79832D4-79EA-4666-93D0-044A79595D0C 10 Ary nisy lehilahy anankiray nahita izany, dia nanambara tamin'i Joaba hoe: Indro, hitako mihantona amin'ny hazo terebinta Absaloma. qt8gt0bxhw|0000001747DC|Baiboly|Bible|text|364AB7E2-33F8-432B-A04D-C2C6E0A9A8FD 11 Ary hoy Joaba tamin'ilay lehilahy nilaza taminy: Koa nahoana, raha nahita azy ianao, no tsy nasianao hianjera amin'ny tany izy, ka dia tsy maintsy ho nomeko sekely volafotsy folo sy fehin-kibo ianao? qt8gt0bxhw|0000001747DC|Baiboly|Bible|text|FA03E6FB-0B30-401F-A441-100E3CCC4419 12 Fa hoy ralehilahy tamin'i Joaba: Na dia efa mby an-tanako aza ny sekely volafotsy arivo, tsy haninjitra ny tanako hamely ny zanaky ny mpanjaka aho; fa teo anatrehanay no nandidian'ny mpanjaka anao sy Abisay ary Itahy hoe: Samia mitandrina an'i Absaloma zatovo. qt8gt0bxhw|0000001747DC|Baiboly|Bible|text|CC029FAE-FFAC-4605-AF7E-F2EAA13E8B02 13 Tsy misy zavatra azo afenina amin'ny mpanjaka, koa raha nanao hafahafa taminy aho, na dia ianao io aza dia ho nitsangana hanameloka ahy*.[Na: ho nahafoy ahy] qt8gt0bxhw|0000001747DC|Baiboly|Bible|text|2C8B369E-44E5-485F-8DEB-64EE2867A15B 14 Dia hoy Joaba: Tsy handany andro foana eto aminao aho. Ary nitondra lefona telo teny an-tanany Izy, ka natsatony tamin'ny fon'i Absaloma, raha mbola velona teo amin'ny hazo terebinta izy. qt8gt0bxhw|0000001747DC|Baiboly|Bible|text|2A8B9861-CD71-4B6A-85FD-CCDED11D853F 15 Ary nisy tovolahy folo, mpitondra ny fiadian'i Joaba, nanodidina an'i Absaloma ka namely azy ho faty. qt8gt0bxhw|0000001747DC|Baiboly|Bible|text|5CBFAE7D-BB86-4CDA-ADD1-F970B1FC9890 16 Ary Joaba nitsoka ny anjomara, ka dia niverina avy nanenjika ny Isiraely ny vahoaka, satria niantran'i Joaba izy. qt8gt0bxhw|0000001747DC|Baiboly|Bible|text|78FCEC3F-043D-4237-97F7-97295672961E 17 Dia nalain'ny olona Absaloma ka natsipiny tao an-davaka lehibe anankiray tao anaty ala, dia nasiany antontam-bato lehibe teo amboniny; ary ny Isiraely rehetra samy nandositra ho any amin'ny lainy avy. qt8gt0bxhw|0000001747DC|Baiboly|Bible|text|42563F16-11DB-4C3A-98B7-CFAA56E25227 18 Ary fony mbola velona Absaloma, dia efa naka vato izy ka nanao ilay tsangam-bato ho azy tao an-dohasahan'ny Mpanjaka, fa hoy izy: Tsy manan-janakalahy hamelo-maso ahy aho; ary dia nataony araka ny anaran'ny tenany ihany ilay tsangam-bato, ka mbola atao hoe: Fahatsiarovana an'i Absaloma no anarany mandraka androany. qt8gt0bxhw|0000001747DC|Baiboly|Bible|text|00B6DCCB-42E2-4816-91BA-7F4C329B3220 19 Dia hoy Ahimaza, zanak'i Zadoka: Aoka aho hihazakazaka hitondra teny mahafaly ho any amin'ny mpanjaka ny amin'ny nanomezan'i Jehovah azy ny rariny ka nahafahany tamin'ny fahavalony. qt8gt0bxhw|0000001747DC|Baiboly|Bible|text|DD350563-40AE-4E41-B793-98ADFE31FDC6 20 Fa hoy Joaba taminy: Tsy ho mpitondra teny mahafaly ianao, raha mandeha anio, satria maty ny zanakalahin'ny mpanjaka, fa andro hafa dia mbola hitondra teny mahafaly ihany ianao. qt8gt0bxhw|0000001747DC|Baiboly|Bible|text|6FA8D0CE-B34A-40F1-9DF3-9830A56B4C3E 21 Ary hoy Joaba tamin'ilay Kosita: Andeha, ambarao amin'ny mpanjaka izay efa hitanao. Ary ilay Kosita niankohoka teo anatrehan'i Joaba, dia lasa nihazakazaka. qt8gt0bxhw|0000001747DC|Baiboly|Bible|text|47A02BD9-778D-4CB4-BFFF-F3DE3F20B005 22 Fa Ahimaza, zanak'i Zadoka, dia mbola niteny tamin'i Joaba ihany nanao hoe: Ka nahoana aza, aoka ihany aho mba hiezaka koa hanaraka ilay Kosita. Fa hoy Joaba: Ahoana no hiezahanao, anaka; fa na dia mandeha aza ianao, tsy hisy teny mahafaly hahazoanao fitia tsinona? qt8gt0bxhw|0000001747DC|Baiboly|Bible|text|21503532-34F9-487F-B876-3A23CE165582 23 Ka nahoana aza, hoy izy: Aoka ihany aho hiezaka. Dia hoy Joaba taminy: Miezaha ary. Ary dia niezaka tamin'ny lalana eny amin'ny lemaka Ahimaza ka nihoatra an'ilay Kosita. qt8gt0bxhw|0000001747DC|Baiboly|Bible|text|662D5360-D613-4CF8-A887-D80027B01F96 24 Ary Davida nipetraka teo anelanelan'ny vavahady roa; ary ny mpitily niakatra teo ambony vavahady teo amin'ny manda, ka nanopy ny masony, dia nahita, ka indry misy lehilahy iray mihazakazaka. qt8gt0bxhw|0000001747DC|Baiboly|Bible|text|B81B74D4-CDA5-45C5-8690-833B1972FD1E 25 Ary ny mpitily niantso ka nilaza tamin'ny mpanjaka. Dia hoy ny mpanjaka: Raha irery izy, dia ho teny mahafaly no entiny. Ary mbola nanatona anatona ihany ralehilahy. qt8gt0bxhw|0000001747DC|Baiboly|Bible|text|897E5297-DD9A-4A87-B5AB-0C4F0CAA8DAF 26 Ary ny mpitily nahita lehilahy iray koa nihazakazaka, dia niantso ny mpiandry vavahady izy nanao hoe: Indry koa misy lehilahy iray tamy mihazakazaka. Dia hoy ny mpanjaka: Mitondra teny mahafaly ihany koa izy. qt8gt0bxhw|0000001747DC|Baiboly|Bible|text|9F52099F-EEAB-4511-A082-6970AC862441 27 Ary hoy ny mpitily: Raha toa ahy, dia tahaka ny fihazakazak'i Ahimaza, zanak'i Zadoka, no fihazakazak'iny aloha. Ary hoy ny mpanjaka: Lehilahy tsara fanahy iny, ka hitondra teny soa mahafaly no ihaviany. qt8gt0bxhw|0000001747DC|Baiboly|Bible|text|BF98C14D-B925-43FC-B71D-A75A5D2B885F 28 Ary Ahimaza niantso ka nanao tamin'ny mpanjaka hoe: Fiadanana! sady niankohoka tamin'ny tany teo anatrehan'ny mpanjaka izy ka nanao hoe: Isaorana anie Jehovah Andriamanitrao, Izay efa nanolotra ny olona nanainga tanana hikomy amin'ny mpanjaka tompoko. qt8gt0bxhw|0000001747DC|Baiboly|Bible|text|41AA08D2-34F5-433F-B188-45536B6A7ED4 29 Dia hoy ny mpanjaka: Tsara ihany va Absaloma zatovo? Fa hoy Ahimaza: Tamin'ny nanirahan'i Joaba ny mpanompon'ny mpanjaka sy izaho mpanomponao koa dia nandre tabataba be aho, nefa tsy fantatro izay antony. qt8gt0bxhw|0000001747DC|Baiboly|Bible|text|73DFD00E-922F-44CE-9BA1-2189CEE18755 30 Ary hoy ny mpanjaka taminy: Mitanilà kely ary, ka mijanôna etsy; dia nitanila izy ka nitoetra teo. qt8gt0bxhw|0000001747DC|Baiboly|Bible|text|2660FEB6-1172-424F-89CA-7030D36256A9 31 Ary, indro, avy ilay Kosita ka nanao hoe: Aoka ny mpanjaka tompoko hihaino teny mahafaly; fa Jehovah efa nanome anao ny rariny ka nahafaka anao ankehitriny tamin'izay rehetra nitsangana hikomy aminao. qt8gt0bxhw|0000001747DC|Baiboly|Bible|text|8BEFB23D-113B-4A40-A692-F77B5EB1313E 32 Ary hoy ny mpanjaka tamin'ilay Kosita: Tsara ihany va Absaloma zatovo? Fa hoy ilay Kosita: Aoka ny fahavalon'ny mpanjaka tompoko sy izay rehetra mitsangana hanisy ratsy anao ho tahaka iny zatovo iny. qt8gt0bxhw|0000001747DC|Baiboly|Bible|text|E50A82E7-433A-48DB-BA2A-57F9B98C4FE2
|