Baiboly Malagasy

Ohabolana 20: 1-30

Andininy

Protestanta Malagasy

Mpaniratsira ny divay, ary mpitabataba ny toaka, Koa izay miraikiraiky azon'izany dia tsy hendry.

Ny fampitahoran'ny mpanjaka dia toy ny fieron'ny liona tanora; Izay mampahatezitra azy dia mankahà-doza hihatra amin'ny ainy,

Voninahitry ny olona ny hanalavitra ny ady; Fa ny adala rehetra kosa misafoaka.

Ny malaina tsy mety miasa amin'ny ririnina, [Na: noho ny ririnina; na: noho ny haben'ny vokatra.] Ka dia hangataka izy raha fararano, fa tsy hahazo.

Rano lalina ny hevitra ao am-pon'ny olona; Fa izay manan-tsaina dia mahay manovo azy ihany,

Maro ny olona samy midera ny soa ataon'ny tenany avy; Fa izay olo-mahatoky, iza moa no mahita azy?

Izay olona marina mandeha amin'ny fahitsiany Sambatra ny zanany mandimby azy.

Mipetraka eo amin'ny seza fitsarana ny mpanjaka, Ka mikororoka manaisotra ny ratsy rehetra ny masony-.

Iza no mahazo manao hoe: Efa nahadio ny foko aho Ka madio tsy manana ota?

Ny vato mizana samy hafa sy ny vata famarana samy hafa Dia samy fahavetavetana eo imason'i Jehovah.

Na dia ny zaza aza dia mampiseho amin'ny fanaony Na madio sy mahitsy ny fitondrantenany.

Ny sofina mandre sy ny maso mahita Dia samy nataon'i Jehovah avokoa.

Aza tia torimaso hianao, fandrao tonga malahelo; Ahirato ny masonao, dia ho voky hanina hianao.

Ratsy! ratsy! hoy ny mpividy; Kanjo nony lasa izy, dia mandoka tena.

Ao ihany ny volamena sy ny voahangy [Na: perla.] betsaka; Fa ny molotra misy fahalalana no ravaka soa.

Alao ny lambany, fa efa niantoka olon-kafa izy, Ary tano ho solon'ny vahiny [Na: vahiny janga.] niantohany.

Mamin'ny olona ny hanina azo amin'ny fitaka; Kanjo ho feno fasika ny vavany any am-parany.

Ny hevitra rehetra dia aorin'ny fisainana, Ary ny fahaizana mandamina tsara no entonao miady.

Izay mandehandeha manaratsy dia manambara ny hevitra afenina, Koa aza miraharaha amin'izay mibedibedy foana.

Izay manozona ny rainy na ny reniny, Dia ho faty ao amin'ny alim-pito ny jirony.

Ny harena malaky azo foana [Na: mahamahimahina] eo am-boalohany Dia tsy hotahina any am-parany.

Aza manao hoe: Hamaly ny ratsy nataony aho; Fa andraso Jehovah, fa Izy no hamonjy anao.

Fahavetavetana eo imason'i Jehovah ny vato samy hafa, Ary ny mizana mandainga dia tsy tsara.

Avy amin'i Jehovah ny dian'ny olona, Ary hataon'izay olombelona ahoana no hahafantatra ny làlany?

Fandrika amin'ny olona ny malaky manao hoe: Zavatra masina ity; Ka nony vita ny voady, vao mamototra.

Ny mpanjaka hendry mikororoka manaisotra ny ratsy fanahy Sady mitarika ny kodia fivelezana eo amboniny.

Jiron'i Jehovah ny fanahin'ny olona, Itsilovana ny efitrefitra rehetra ao am-po.

Famindrampo sy fahamarinana no miaro ny mpanjaka, Ary ampitoeriny amin'ny famindrampo ny seza fiandrianany.

Voninahitry ny zatovo ny fahatanjahany, Ary ravaky ny anti-panahy ny volo fotsy.

Ny fampangirifiriana [Heb. ratra avy amin'ny kapoka.] dia mahafaka ny faharatsiana, Ary ny kapoka mahadio ny efitrefitra ao an-kibo.

Ohabolana 19 Ohabolana 20 Ohabolana 21

Fitadiavana andininy

Boky Toko Andininy Andininy farany

Louis SegondGrika TV WH - UBS4
Basic English BibleHebreo TT WLC

Fitadiavana teny

Asehoy koa ny ndininy amin'ny dikanteny hafa