Baiboly Malagasy

Marka 14: 53-72

Toriteny na fanazavàna - "La profusion de l'amour de Dieu"

Toriteny na fanazavàna - "Sur quoi se fonde ton amour pour le Seigneur?"

Andininy

Protestanta Malagasy

Ary nitondra an'i Jesosy ho any amin'ny mpisoronabe izy; ary niangona teo aminy ny lohan'ny mpisorona rehetra sy ny loholona ary ny mpanora-dalàna.

Ary Petera efa nanaraka Azy teny lavidavitra eny hatrany amin'ny kianjan'ny tranon'ny mpisoronabe; ary niara-nipetraka teo amin'ny mpiandry raharaha izy ka namindro teo anilan'ny afo.

Ary ny lohan'ny mpisorona sy ny Synedriona rehetra nitady vavolombelona hiampanga an'i Jesosy hamonoany Azy, nefa tsy nahita .

Fa maro no niampanga lainga Azy, nefa tsy nifanaraka ny fiampangany.

Ary nitsangana ny sasany, dia niampanga lainga Azy nanao hoe:

Izahay efa nandre Azy nanao hoe: Izaho handrava ity tempoly nataon-tànana ity, ary amin'ny hateloana dia hanangana hafa izay tsy nataon-tànana Aho.

Fa tsy nifanaraka ny filàzany na dia tamin'izany aza.

Ary ny mpisoronabe nitsangana nankeo afovoany, dia nanontany an'i Jesosy ka nanao hoe: Tsy mety mamaly akory va Hianao? Inona no iampangan'ireto Anao!

Fa tsy niteny Jesosy sady tsy namaly akory. Dia nanontany Azy indray ny mpisoronabe ka nanao taminy hoe: Hianao va no Kristy, Zanaky ny Isaorana?

Ary hoy Jesosy: Izaho no Izy; ary ho hitanareo ny Zanak'olona mipetraka eo ankavanan'ny Hery sady avy eo amin'ny rahon'ny lanitra.

Ary ny mpisoronabe nandriatra ny fitafiany ka nanao hoe: Ahoana no mbola ilantsika vavolombelona indray?

Efa renareo ny fitenenany ratsy;ahoana no hevitrareo? Dia nataon'izy rehetra fa miendrika ho faty Izy.

Ary ny sasany nandrora Azy, dia nanarona ny tavany sady namely tahamaina Azy ka nanao hoe: Maminania; ary ny mpiandry raharaha namely tahamainaAzy koa.

Ary raha nitoetra teo ambany teo an-kianja Petera, dia avy ny anankiray tamin'ny ankizivavin'ny mpisoronabe;

ary nony nahita an'i Petera namindro izy dia nijery azy ka nanao hoe: Hianao koa nomba an'i Jesosy avy any Nazareta.

Fa izy nandà ka nanao hoe: Tsy fantatro sady tsy azoko ny teninao. Dia niala ho eo am-bavahady izy, ary nisy akoho naneno.

Ary ilay ankizivavy nahita azy indray, dia niteny tamin'izay teo anilany hoe: Io lehilahy io mba naman'ireny;

fa izy nandà indray. Ary nony afaka kelikey, izay teo anilany koa dia nilaza tamn'i Petera hoe: Naman'ireo tokoa hianao; fa Galiliana hianao.

Dia niozona sy nianiana izy ka nanao hoe: Tsy fantatro izany Lehilahy lazainareo izany.

Ary niaraka tamin'izay dia nisy akoho naneno fanindroany. Ary Petera nahatsiaro ny teny izay nolazain'i Jesosy taminy hoe: Raha tsy mbola misy akoho maneno fanindroany, dia handà Ahy intelo hianao. Ary nony nieritreritra izany izy, dia nitomany.

Marka 13 Marka 14 Marka 15

Fitadiavana andininy

Boky Toko Andininy Andininy farany

Louis Segond	Grika TV WH - UBS4
Basic English Bible	Hebreo TT WLC

Fitadiavana teny

Mampidira teny Litera 2 h@ 50 @ alfabeta

Asehoy koa ny ndininy amin'ny dikanteny hafa